Leġiżlazzjoni
L-Att dwar l-MDIA
L-Att MDIA jipprovdi għat-twaqqif tal-Awtorità Maltija għall-Innovazzjoni Diġitali. L-Att għandu l-għan li:
- Jappoġġja l-iżvilupp u l-implimentazzjoni tal-prinċipji ta’ gwida deskritti f’dan l-Att,
- Jippromwovi prinċipji konsistenti għall-iżvilupp ta' viżjonijiet, ħiliet u kwalitajiet oħra relatati mat-teknoloġija innovattiva, u
- Jeżerċita funzjonijiet regolatorji dwar teknoloġija innovattiva u servizzi relatati u biex jipprovdi għal kwistjonijiet anċillari għalihom jew konnessi magħhom.
Intelliġenza Artifiċjali (IA)
L-Att dwar l-IA huwa l-ewwel qafas legali li qatt sar dwar l-IA, li jindirizza r-riskji tal-IA u jpoġġi lill-Ewropa biex ikollha rwol ewlieni globalment u jipprovdi lill-iżviluppaturi u dawk li jħaddmu l-IA b’rekwiżiti u obbligi ċari rigward użi speċifiċi tal-IA. Fl-istess ħin, ir-regolament ifittex li jnaqqas il-piżijiet amministrattivi u finanzjarji għan-negozji, b'mod partikolari l-intrapriżi żgħar u ta' daqs medju (SMEs).
Il-Konvenzjoni Qafas tal-Kunsill tal-Ewropa dwar l-Intelliġenza Artifiċjali u d-Drittijiet tal-Bniedem, id-Demokrazija u l-Istat tad-Dritt hija l-ewwel trattat internazzjonali li jorbot legalment immirat li jiżgura r-rispett tad-drittijiet tal-bniedem, l-istat tad-dritt u l-istandards legali tad-demokrazija fl-użu tas-sistemi tal-Intelliġenza Artifiċjali (AI).
It-Trattat, li huwa miftuħ ukoll għall-pajjiżi mhux Ewropej, jistabbilixxi qafas legali li jkopri ċ-ċiklu kollu tal-ħajja tas-sistemi tal-IA u jindirizza r-riskji li jistgħu joħolqu, filwaqt li jippromwovi innovazzjoni responsabbli. Il-Konvenzjoni taddotta approċċ ibbażat fuq ir-riskju għad-disinn, l-iżvilupp, l-użu u d-dekummissjonar tas-sistemi tal-IA, li jeħtieġ li tqies bir-reqqa kwalunkwe konsegwenzi negattivi potenzjali tal-użu tas-sistemi tal-IA.
Ċibersigurtà
L-Att dwar iċ-Ċibersigurtà jsaħħaħ l-Aġenzija tal-UE għaċ-ċibersigurtà (ENISA) u jistabbilixxi qafas ta’ ċertifikazzjoni taċ-ċibersigurtà għal prodotti u servizzi.
Ir-Regolamenti taċ-Ċertifikazzjoni taċ-Ċibersigurtà jimplimentaw ir-rekwiżiti tad-dispożizzjonijiet tar-Regolament (UE) 2019/881 tal-Parlament Ewropew u tal-Kunsill tas-17 ta' April 2019 dwar l-ENISA u dwar iċ-ċertifikazzjoni taċ-ċibersigurtà tat-teknoloġija tal-informazzjoni u tal-komunikazzjoni u li jħassar ir-Regolament (UE) Nru 526/2013 (Att dwar iċ-Ċibersigurtà).
Innovazzjoni u Governanza tad-Data
L-Att dwar il-Governanza tad-Data (ir-Regolament (UE) 2022/868) huwa strument transsettorjali li jipprovdi qafas biex tissaħħaħ il-fiduċja fil-kondiviżjoni volontarja tad-dejta għall-benefiċċju tan-negozji u ċ-ċittadini.
Ir-Regolamenti dwar il-Governanza tad-Data jimplimentaw ir-rekwiżiti tar-Regolament (UE) 2022/868 u jipprovdu ċ-ċarezza meħtieġa lill-partijiet interessati kollha involuti dwar liema entitajiet governattivi għandhom ikunu responsabbli għall-kompiti imposti mill-istess regolamenti.
L-Att dwar id-Data huwa inizjattiva komprensiva biex tindirizza l-isfidi u toħroġ l-opportunitajiet ippreżentati mid-data fl-Unjoni Ewropea, filwaqt li tenfasizza l-aċċess ġust u d-drittijiet tal-utent, filwaqt li tiżgura l-protezzjoni tad-data personali.
Att dwar il-Governanza tad-Data
Ċertifikazzjoni ta' Arranġamenti u Servizzi ta' Teknoloġija Innovattiva (ITAS).
L-iskop tar-Regolamenti ta’ Ċertifikazzjoni ta’ Arranġamenti u Servizzi ta’ Teknoloġija Innovattiva (ITAS) huwa li jipprovdu għal qafas ta’ rikonoxximent volontarju għal arranġamenti u servizzi ta’ teknoloġija innovattiva u għal fornituri ta’ servizzi ta’ teknoloġija innovattiva, kif għandu jiġi determinat mill-Awtorità għall-finijiet stabbiliti fl-Att, minn żmien għal żmien.